منتديات مسك وريحان.
أهلا وسهلا بك زائرنا الكريم

منتديات مسك وريحان.

اجتماعي، تربوي، ترفيهي
 
الرئيسيةاليوميةمكتبة الصورس .و .جبحـثالتسجيلدخول

شاطر | 
 

 قندورة صيف رائعة مع شرح عملها للميتدئات ادعو لصاحبتها

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
sousouchayma




عدد المساهمات : 50
وسام ذهبي : 0
تاريخ التسجيل : 06/05/2012
العمر : 40
الموقع : بلد العزة والكرامة

مُساهمةموضوع: قندورة صيف رائعة مع شرح عملها للميتدئات ادعو لصاحبتها   السبت مايو 12, 2012 2:46 pm

اليوم جبتلكم موديل نتاع الأخت عرجون بيه بالباترون الله يجازيها و حبيت ننقلو لعيونكم يا لحبيبات ان شاء الله يعجبكم..







شوفوا اخواتي هذوا لونين عجبوني في المودال وطبقتهم ولكن انت اختاري اي لون
راح نحط القيس الخاص بي وانتم كل وحدة تعمل قيسها
المواد اللي تحتاجوها هي :
-2 متر قماش شاش او فيبران اوساتان او اي قماش سامبل
_ 5 متر قالون خشين مكون من لونين فضي ولون القندورة والقالون اللي استعملته راه ب35دج للمتر
_ 7 متر قالون رقيق من لونين ابيض ولون القندورة والقالون اللي استعملته راه ب20 دج للمتر
_ نصف متر فيزلين رقيقة راهي ب35دج للمتر
_ كبة خيط لون القماش ب20 دج
_ 10 حجرات كريستال فضي تقدري تشري 7 شوية صغار ب5دج للوحدة و3 كبار ب10 دج للوحدة او تشريهم قد بعض انت وما تحبي وتختاري
لما تقولوا لي رانا جاهزين راني نحط لكم الفصالة ان شاء الله )..

وهذه هي قياساتي اللي راح نعمل عليهم الفصالة
tour de poitrine 92cm
tour de taille78cm
langueur total140cm

ماتنساوش كل وحدة وقيسها لتقصوا قد قيسي ونضطر نلبسهم كلهم انا هههههههه!l



بسم الله نبداو الشرح
اول شئ نقيسوا طول القندورة اللي ريحين نديروها وانا راح استعمل القياسات اللي نشرتها من قبل
و135و نزيدو 5سم حق لخاطر راح نعملوا الكفة من الاسفل والخياطة من الفوق
نطبقوا قماشنا في العرض على 2 ثم على 2 مرة اخري اي تتحصلي على 4 طبقات
تحطي الباترون بالقياسات لازم ترسمي بالطباشير مع حساب قياساتك وما تنسايش حق الخياطة زديه
ارجعي الجزء الباقي من القماش و طبقيه على 4 واعملي باترون الذرعين راه في القندورة
الاولي الزرقاء 31 سم فقط ويجي قصير اما القندورة الثانية راه 41سم وكل وحدة تعمل الطول
اللي تحب
ارجعي لطرف الامام ولصقي الفيزلين الرقيقة قد الرشمة اللي راح تعمليها
ثم اطويه على 2 وارسمي الرشمة مثل ما هو موضح في الصورة وتقدري تعمليها كبيرة والا
صغيرة
اذا كانت قياساتك كبيرة اعمليها مثل الاولى الزرقة باعدي بين الخطوط واذا
كانت قياساتك صغيرة قاربي الخطوط باه ما تروحش الرشمة على الحراف وما تبانش
في القندورة
خذي القالون الرقيق وابداي لصقي وما تنسايش تخلي شوية حق 1سم حق ما تعملي خياطة
السجاف ثم ضعي القالون بالترتيب في الحراف مثل ما هو في الصورة اذا خفتي من القالون
تقدري تلصقيه باليد والمهم لصقيه حسب الصورة
ثم ارجعي لصقي السجاف ولصقي الذرعين بعد ما تعملي لهم القالون وخيطي قندورتك على الجنبين وكفيها ثم حددي الخياطة باه تجي راقدة
وهذا رسم توضيحي للباترون















الرجوع الى أعلى الصفحة اذهب الى الأسفل
 
قندورة صيف رائعة مع شرح عملها للميتدئات ادعو لصاحبتها
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات مسك وريحان. :: قسم الأسرة :: الخياطة والطرز-
انتقل الى: